ग्रामपंचायत कार्यालय बदद्ल माहिती

ग्रामपंचायत माहिती

पाडळी देशमुख हे नाशिक जिल्ह्यातील इगतपुरी तालुक्यातील एक सुंदर व प्रगतशील गाव आहे. हे गाव मुंबई-नाशिक महामार्गालगत स्थित असून गावाची स्थापना सन १९६६ साली झाली. ग्रामपंचायतीत एकूण ४ पाड्या व वाड्या असून केवळ पाडळी देशमुख हे महसुली गाव आहे. नाशिक मुख्यालयापासून हे गाव सुमारे २८ किमी अंतरावर व इगतपुरीपासून १९ किमी अंतरावर आहे. येथील लोकसंख्या शेती, पशुपालन या व्यवसायांवर आधारित आहे. गावात रेल्वे स्थानक असल्याने दळणवळणाची सुविधा उत्तम आहे. गावात ग्रामपंचायत कार्यालय, जिल्हा परिषद शाळा (इयत्ता १ ते ७), अंगणवाडी केंद्र, प्राथमिक आरोग्य उपकेंद्र, स्वस्त धान्य दुकान आणि आपले सरकार सेवा केंद्र आदी सुविधा उपलब्ध आहेत. पाणीपुरवठ्यासाठी २ सार्वजनिक विहिरी, २ हातपंप व राष्ट्रीय पेयजल योजना अंतर्गत नळ योजना कार्यरत आहे, तर जल जीवन मिशन अंतर्गत पाण्याची योजना प्रगतिपथावर आहे. गावात सौरपथदिवे १० व एकूण २५ विजेचे पोल आहेत.